兩餸飯

 朋友係"獨家村"，對晚市禁堂食極度不滿。

朋友說："我有個諗法，比禁晚市堂食好，起碼可以幫補到D食肆…"

"疫情咁樣，可以唔禁堂食咩?"我問。

"得，就係每張枱只可以坐一個人，咁樣一定好過晚市堂食全禁!"朋友答得非常堅定，有三個感嘆號。

"?"我問。

"你諗下：疫情之前，我呢D孤客，夜晚食飯，唔係要同人搭枱，就係俾人左趕右趕瑟縮角落﹔家陣有疫情，你俾枱枱只坐一個，一黎人少，二黎坐得疏，三黎我地可以堂堂正正、光明正大咁堂食，唔使再受歧視，老細又有錢袋頂住個雞頭，係咪好呢你話!"

朋友激動地答。

"咁又係，少客好過無客…"我嘗試搭嗲。

"緊係，買番屋企自己食，喺嗰度又自己食，點解唔俾我一枝公堂食…"朋友回覆。

"但係咁樣會唔會等好耐呢?等得耐，咪又係外賣算數…"我嘗試提出疑問。

"你份人可唔可以唔好咁膚淺呢? 食飯，唔止醫肚咁簡單，佢係一種生活態度…"朋友反駁。

"迫不得已都係一種態度?" 我心諗。

"我相信好多人都好似我咁諗，We are not alone…"朋友答。

然後佢SEND張佢食緊既飯盒幅相俾我。

直至我SEND番個雙眼心心既mojie俾佢，

佢先肯介紹完佢個兩餸飯。