清零

 Omicron繼續肆虐，身邊人無人不中，包括阿強。

“我身邊，十個有七、八個中，都要在家隔離﹔個個中招在家隔離，仲使鬼禁足?”阿強問。

“係，咁既時勢，雖不中，亦不遠矣…”我答道。

“講到中招咁大鑊，其實係咪應該調番轉捉晒你地D無招既人黎好好保護? 只准俾中招既人返工、出街，經濟咪復蘇囉!” 阿強說。

“咁攪法，真係唔知點清零…”我問阿強。

“我地清零係叫 “動態”，咩叫動態? 就係去到咁上下，當中招既多過你地D未中招既，到時清零就係清你地零啦。人人都中，嗰個就唔係叫疫情，叫新常態，新新下就係常態，再過幾日咪就係自然現象囉。” 阿強話。

阿強繼續喋喋不休：“你以為外國嗰D叫 "共存"? 講到尾咪係唔在意你中唔中、幾多人中，中晒都無相干，放任清零，清走晒你D無中招、係都要載口罩既人囉! 所謂共存、動態清零﹐最後一定殊途同歸，你話疫情嚴峻，我話形勢大好，做到衞星田日產萬斤就是讚!"

“你係咪病到傻左呀，強哥…”我問佢。

“你就傻?!我而家喺竹篙灣，不知諗通左幾好多野…你諗野就係弊在唔夠動態…”阿強說。