2011年10月25日 星期二

搵咩挪亞方舟?

真係有尐人,窮一生精力去搵聖經中提及的挪亞方舟?
點解佢地硬係唔明:
最重要既,唔在於方舟,因為你可以求其話一條古代大船的殘骸係方舟。整件事既重點,係在於地球是否曾經出現,又或者有沒有可能出現過挪亞所經歷的毁滅性水災方舟,以及方舟憑咩可以盛載當時地球上的所有陸上生物。
搵到方舟,真係唔代表咩野。
我反而覺得,若干人竭而不捨咁追尋方舟,原因係因為方舟對某性教徒而言,是全卷舊經裡面唯一可以足以力證上帝存在既實質物證。
偏偏找著所謂目標,最後亦只衍生更多無可解答既疑問,令整個故事更不可信,更趨神話無異。
因信稱義既人,唔會去作無謂既探索,因為佢地心裡明白,連自己當初也非因為確定聖經真有其事而去信。一切都出於霎時感動,再緩緩摸索,而最終傾心。 家陣明副其實係先入為主,刻意去尋求可以堅定信仰既憑籍,到頭黎很有可能有失客觀公正,一廂情願。真係信仰堅定,唔使求呢d尋尋覓覓,畢竟搵到與否,反正你老早就信了兼亦要信,不信的又不會因你這些薄弱既證據而轉信,照信的照信,不信的還是不信,what are you trying to prove?