2012年10月7日 星期日

做神唔易

無人係會相信一個唔保佑自己既神。
無人會相信神唔保佑自己。
無人會相信,假設神保佑其他人,佢唔會唔保佑埋自己。
無人信/拜盤古,因為就算真係盤古開天闢地,無人話佢會保佑我。
無人會相信,一個事事都可以保佑我既神,唔會係全能。
所以,問題唔係佢係咪開天闢地,而係神一定要係全能,你先可以放心將所有問題交俾佢,知道佢一定攪得掂﹔佢攪唔掂,駛咩信佢?
全能以外,呢個神又必定要係愛你,你先可以認定自己有份得到保佑﹔而愛你以外,佢又一定要愛埋其他人,因為你唔好意思話佢偏袒你,亦覺得要有個人經歷以外既證據去證明神係有能力保佑你,如你所願。