2012年10月14日 星期日

香港仔

我唔係要撐CY,但係CY今日上到位,全因為佢夠"香港",佢既所謂投共賣港,亦係中環菁英之必然,由曾到梁,佢地都係香港仔既典範,而當你發覺香港仔既極致最後竟然係毁掉香港,我覺得要諗下:我地係咪要繼續做一個典型既所謂頭腦快能屈能伸既香港仔。

2012年10月9日 星期二

港人抗爭模式

港人抗爭模式:
嗱,我家陣擺明居馬唔歡喜,咁算點先?
哦,好嘢喎,你真係唔識死架喎,你怕唔怕我揼你?!
嗱,唔好話我唔事先警告你,你再唔順番我條氣,你就知死!
唔,見你頭耷耷唔出聲,知衰喇咩,都話唔好惹我架喇,你劫財啫,嗱,銀包攞去,我己經唔報警架嗱,你仲唔快尐走!

2012年10月7日 星期日

做神唔易

無人係會相信一個唔保佑自己既神。
無人會相信神唔保佑自己。
無人會相信,假設神保佑其他人,佢唔會唔保佑埋自己。
無人信/拜盤古,因為就算真係盤古開天闢地,無人話佢會保佑我。
無人會相信,一個事事都可以保佑我既神,唔會係全能。
所以,問題唔係佢係咪開天闢地,而係神一定要係全能,你先可以放心將所有問題交俾佢,知道佢一定攪得掂﹔佢攪唔掂,駛咩信佢?
全能以外,呢個神又必定要係愛你,你先可以認定自己有份得到保佑﹔而愛你以外,佢又一定要愛埋其他人,因為你唔好意思話佢偏袒你,亦覺得要有個人經歷以外既證據去證明神係有能力保佑你,如你所願。