2011年12月26日 星期一

還是聽兒歌

遇朋友唔開心,自知技窮,講多盞一齊惆悵,必送上以下四首歌:

仙樂飄飄處處聞: http://www.youtube.com/watch?v=KYnR2c9YaSA
神秘的花園:   http://www.youtube.com/watch?v=vo0pkUVfvdA
媽媽是小學四年生:http://www.youtube.com/watch?v=inIzUTgwhd8
生命有價:    http://www.youtube.com/watch?v=-ufqnVI8qQQ

以 前既兒歌,樂曲輕快,歌詞易上口之餘亦別有意境/意義,唔係小明上呢度嗰度嗰尐偽兒歌惡攪作。我成日都覺得奇怪:而家尐細路,比起當年既我地不知醒幾多萬 倍,偏偏今時今日既兒歌,意義唔好講,感覺卻比過去既低能萬倍。你可以話我以成人角度望番轉頭唔公平,但起碼以前尐兒歌真係認真作認真唱,唔似而家咩醫生 喺度插科打諢,成首歌都淨係記得唱嗰個幾低能。

係呀,當兒歌都淪為荼餘飯後恥笑、嘲弄、惡攪既對象時,兒歌就失卻了佢獨有既嗰種天真爛漫,唔係再靠一份親切、溫馨、明快既感覺黎吸引人,而係靠惹人竊笑作賣點 - 即使原唱人蒙在鼓裡,自得其樂。

經 典兒歌當然唔止上述幾首:戴恩鈴既”愛心一百次”(飛天少女豬事丁主題曲)、唐韋琪既長腿叔叔,仲有對我黎講算係最近期既兒歌歐倩怡”問題天天多多”(櫻 桃小丸子主題曲)、以及其他如劉錫明既”時代節奏”(童夢主題曲)、鄭家熲既忍者亂太郎等等,成年人題裁既動畫主題曲暫且不提,聽番呢尐經典兒歌,有可 愛,有抒情,有言志,有攪笑。你以為好幼稚既信息,人大了諗番轉頭,又會發現大人就係正正因為失郤或壓抑左童真而鬱悶終日。唔知點解,人大左,聽歌種類繁 多,發覺與其借音樂去發泄或者矯情於一時,倒不如去聽番尐兒歌黎真正放鬆自己,去喚起一尐值得緬懷同永遠美好既回憶,去細味詞裡種種顯淺又深邃的做人道 理,反而會豁然開朗,仲不時回心微笑。反正童年既是美好,不時回首並不是什麼尷尬事,平日身外待人接物做野返工逼迫太緊面容扭曲,其餘時間沉浸童年,倒是 好好的平衡。

所以我既聆聲唔係咩潮歌型曲,係兒歌,聽完你都會笑。

當然,我唔會話你聽係邊首。

我淨係想改改仙樂飄飄處處聞裡面既其中一句歌詞:
”最好的東西是什麼,是大家小三已學會唱的歌…”
沒有什麼比這句更真,我覺得。

沒有留言: