2011年3月30日 星期三

何必浮誇

又話瞓路軌,又話跳海。


唔係話你地反對唔啱。

但係唔該俾d創意同意義。

想保留紅磡渡輪,喺碼頭辦個回顧展,好味?仲咩跳海?

想抗議加價,不如喺地鐵站附近,鼓勵每個乘客淨捐加價個一兩毫子,集腋成裘,話俾地鐵聽個度唔少錢,夠好多人咩咩咩…

如此胡鬧,無異於d三四歲既混世魔星拍抬拍凳,只顧自己意氣風發於一時,全不在意予人的形像和影響。

誇張,倒也罷了﹔最重要是了無心思,比擲蕉還差百倍,既擾民,又羞人。 嘩眾,但又取唔到寵。

今時今日示威抗議,人人都將手段凌駕議題,一味諗點樣夠誇夠搶夠震撼,以求突顯一副趕狗入巷官逼民死的駕勢,枉自悲憤。結果係只有當事人自己感覺良好,而公眾就只識你跳海瞓軌夠嗆或太狼,忘掉原來的議題。

傳媒再加如此,都是促成政治/民生娛樂化的幫兇。

1 則留言:

匿名 提到...

做騷雖有優劣之分, 但請勿隨意給人扣上小丑帽子, 這該留給奸詐之徒吧.