2011年1月28日 星期五

爭家產都俾d誠意好唔好

拗晒頭…
呀乖女咩解救你咁細心,喺一眾傳媒面前要豎起大字報,叫近乎斷氣既阿爸跟住指示逐隻逐隻字吐痰咁吐?
係人都知你係班孝子賢孫寫定稿,迫伯爺喺電視面前照稿讀,監粗生米成熟飯啦!
爭產,唔緊要:一家人幾廿房,緊係趁賭王就黎駕崩時燒殺搶掠,搏最後一切既成事實,打死無怨架啦。
但係可唔可以交足戲做足本份呢?可唔可以俾觀眾少少懸念,有癮追落去呢?家陣你第一砲就咁忤逆,忠奸面譜咁快浮面,仲邊有"公說公有理"呢支歌仔唱,仲邊有歸邊打氣既趣味呢?


喜歡追看賭王爭產,是一心看你"幾耐風流 幾耐折墮",仇富矣。尤其看見劇中角色奸扮忠、正猶邪,互相指罵,尷尬宭迫,為自保連爆醜聞,簡直賞心樂事,完全對應"有錢人靡爛必然、無情必然"的偏見。

沒有留言: