2010年9月12日 星期日

電話對話

"你好,請問係唔係xxx先生,有個好消想通知番你,因為係你我地xx銀行既特選客戶…"

"你停一停…"

"所以我地特登為你安排…"

"你可唔可以停一陣…"

"安排左一個低息貸款…"

"xxxx!而家下晝三點幾,係正常人都番緊工,你打黎做咩鬼野!"

"…"

"阿小姐,我想問你:一個正常人而家番緊工,會唔會聽你幾句就落搭?若然佢無工返,失緊業,佢都無本事還錢俾你,你亦未必敢借錢俾佢,咁你打黎做咩鬼野?你講都話"特選"客戶,如果你千搵萬都搵搵著個乾塘底花既,咁你都好特選下。"

"…"

" 你食帶出唔到聲,我唔怪你。我知你心入面諗咩:都係搵食啫,駛唔駛咁呀?阿姐,你第一日入行,就清楚自己做既野係"硬銷",係漁翁撒網式咁樣硬銷無厘頭產品,一邊耳腮萬客噴。你記住:你而家唔係送錢俾我,而係迫我要用我既時電話費同時間黎幫你交差,你應該俾番錢我至啱!特選唔係特蠢,我特選你都咁騷擾我,咪以為我真係善男信女!"

"..."

"我唔怕話你聽,我唔起話睇唔起你份工 - 雖則你預左。我只係想話你知,你做緊既野真係好x荒謬:想喺一個唔合理既時段,以最不合理地短既時間,冒住不合理地挑釁你公司客戶既風險,向一個你不合理地認為水魚既客戶,推銷一樣不合理地無謂既產品。你話我聽呢d唔係荒謬係咩?"

"…"

"我唔係鬧你d咩﹔我其實係可憐你,可憐你點解買自己入火坑,受人一面屁…你唔當自己係人,你阿媽阿爸都當…"

"先生,我地…"

"拿…咁又嘥左我成分鐘…"

"先生…"

"你唔好講喇,我抵諗d,你叫你supervisor黎﹐我同佢講話你要辭工唔do,你自己認真搵份人做既工!叫你supervisor黎,話唔定佢聽完我呢番話,你劈砲都有伴!"

(對方立即收線,真係好心著雷劈)

沒有留言: