2010年4月30日 星期五

反收購節目時間

人人捐錢,籌錢向商台買番嗰時段,送俾社民連公民黨!節目起首要叫人民贊助:嗰時段攞黎做無人駕駛/人民駕駛,都唔好益民建聯!

好簡單,俞琤肯收,就當市民送airtime俾公社兩黨,點宣傳都得,分分鐘俾直接捐款兩黨更cost-effective。公社再多錢,無渠道善用,淨印單張攪concert,都係浪費!

如果俞琤縮沙,咁就試到佢其實有心益民建聯,屆時罪證確鑿,就可以大加撻伐。捐左d錢要俾公社又得,俾民間電台又得,幾好!

要抗爭,講手段,就咪鬼感情用事!民建聯想有airtime,同港人鬥bid囉!你方會輸? 你可能覺得:頂,本來就唔駛俾錢,仲咩要買益個肥婆。我就係要睇佢敢唔敢收,唔好話我睇死佢,佢收同唔收,都pk,都顯得出佢唯利是圖,註定乞米!

仲有,但凡任何人打上任何電台,唔理節目,係係支持公投既,記得臨收線時嗌普選議題,一於人口戰術鑿爆佢!

沒有留言: