2010年3月14日 星期日

民智未開不宜民主?

有人話:中國人民智未開,亂行民主,只會流於民粹,甚至暴民政治。
我覺得好得意:
首先,究竟有咩客觀準則,可以釐定一個民族既民智開了沒有?
第二,誰有資格判斷一個民族既民智開了沒有?(唔通係一個未曾有過西方民主經驗既中共?)
第三,而家係邊個訴諸愚民教育、民族主義同盲目發展,阻礙民智開竅?
第四,當群眾有人嘗試開先河,試圖以文字、影像、言論鼓勵人民討論政治,啟廸民智之時,有邊個喺度反過來瘋打壓?
第五,究竟係中國人唔配有民主,先天唔接受民主,還是當權既從來唔願俾機會人民同民主,扼殺民主發展既條件?
第六,當權者唔信民主,係唔係因為佢地心底都蔑視人民,睇死人民?定還是私心作崇,權力慾發?真係當真以民為本?
第七,任何體制變更,點會無陣痛?細個學行都會跌親,唔通成世爬地?
第八,民主唔係多數獨裁無法無天。簡單而言,民主係一個以民意為依歸,以法律為框架,以全民福祉為目的既政治體制。民粹不過是一個任由多數人感情用事、無法無天的混亂情況。民主係承認民意、重視民意、尊重民意,不是縱容民意。
第九,民主係政府工,未必保你發達,但係一世平穩﹔獨裁係抄窩輪,預著政權英明神武大賺唔奇,一旦在上者兇暴腐敗,就樹倒猢槂散崩盤冧樓,前後死人無數

5 則留言:

匿名 提到...

...表面上文革係一個民眾自發既民粹運動,實質上是有賴一個近乎神一樣既毛澤東全權一把抓推波助澖,為文革提供理念上既養份、行動既環境,方能成事。
================================
錯了!豈止“推波助瀾”,請查閱資料。

文革宣傳語:波瀾壯闊、史無前例的無產階級文化大革命,是偉大領袖毛主席親自發動和領導的......

又:據《歷史的先聲》,中共早在70年前就認為民智未開正好透過民主而教育人民。

匿名 提到...

算啦,如果某黨言而有信就唔係某黨啦。
佢哋最叻就係今天的我打倒昨天的我!
唔止咁,仲要打倒祖宗十八代!

kks 提到...

其實用民智未開不宜民主的理由阻止民主

恰恰就是民智永遠未開的主要原因

一個獨裁政權為咗鞏固政權. 一定會用文字獄. 鼓吹國家主義法西斯主義的方法來令民智閉塞.

以現在中國的發展方向. 的而且確離民智遠矣

嚴櫻 提到...

KKS:

呢d就係倒果為因再加惡性循環

匿名 提到...

香港警方的"合法禍害權"
http://www.youtube.com/watch?v=xtwwr4RnW28&feature=youtube_gdata
【推薦】