2010年3月4日 星期四

中女 + 張姓學者

今早看了星期二檔案既中女特輯,有感而發:

中女門可羅雀,我覺得係一個了無出路既深淵,中女一日唔放低某些執著,一日都會只識怨天怨地。

好簡單,你中女條件好有事業,想揀個優質既男人,理所當然﹔但係問題在於好男人一黎渴市,比閣下更後生既青春玉比比皆是,二黎佢地所求既,係一個或陰柔弱質,或楚楚可憐既小鳥依人,一款可以令好男人萌生保護照顧既衝動、可以令自己當真變成一個好男人既女人。佢地唔係需要一個同自己平起平坐既競爭對手。所以筆者敢大膽講,任你社會幾開明,女人太叻太強成就太外露,只會吸引到渴慕母愛熱衷受壓既小男人,想要優質好男人,下世再問。

我並唔係歧視女性,只想一心反映現實。男人呢種觀念,或者關基因,或者涉文化,一時三刻好難批林批孔連根拔起。自信配得更好既女人,在香港這個男仔特盛男人瀕危既人慾都市,最好有定心理準備。不過等待既同時,我覺得中女們可以諗諗:究竟自己心目中既所謂好男人準則,係真正鐵價不二,還是純粹人云亦云。你好期待一個事業比你更好既男人,其實你自己係唔係真係咁在意佢做咩師咩師。你只係想要一個PRESENTABKLE、什至令人妒忌既伴侶,還是要一個能夠交心互諒共患難、不理出身既男人?仲有何必以有無伴侶黎衡量自己既價值,人話敗犬就自認敗犬?若然現代女性當真新潮自主,又何解要執著於一個歸宿?

BTW,啱啱聽完張某教授講政改,希望大家要面對現實,要包容,唔好玉石俱焚,逐樣插:
1.包容?你不如叫抗戰時既中國人包容漢奸日軍,叫美國黑人包容三K黨,叫猶太人包容新納粹?有所容有所不容,包容唔係單方面,唔係無底線!成日淨識叫處於弱勢既人去包容,又唔見閣下夠薑勸共產黨包容?!而家係邊個唔包容先?!
2."唔好玉石俱焚"既責任,點解又係一定要港人攬晒?中央權大過我地,想避免玉石俱焚,係唔係應該佢負最大責任?When you mind is too open, you brain will fall out.唔想玉石俱焚,佢肯放行真民主就無事啦,駛咩今日喊打喊殺!你殺人擄貨,仲倒頭來話我因為反抗所以先無命抵我死,仲有咩比咁講更仆街?
3.現實係咩?就係唔爭肯定無,爭都未必有,一係唔要民主咪鬼煩,一係就鼓足幹勁搏一舖,搏到有賺,搏唔到亦唔見會輸突。
政改糾結,死因好簡單:有人明明唔願俾利是,但又偏話佢地無俾利是既"習俗",所以要一時三刻去"適應"喎。你明明想要利是,但又慌死唐突唔好意思,咪唯有唔係顧左右而言他就和顏悅色,望對方真係會慷慨解囊。算啦,佢係視錢如命既,一日決定由佢,一日你都註定無啖好食。就係咁簡單!

1 則留言:

匿名 提到...

「一款可以令好男人萌生保護照顧既衝動、可以令自己當真變成一個好男人既女人。佢地唔係需要一個同自己平起平坐既競爭對手。」

so true. good article. thx.