2010年3月12日 星期五

九流評論

今朝讀The STANDARD,有位瑪麗馬撰文表揚旅遊界議員謝偉俊迅速妥善處理滯港菲客一事,足以反映功能組別可以做實事,有價值,好過某些"政棍"亂吹,不做實事。

我知呀,我知舒特拉係納粹黨員呀,我知佢救過千幾個猶太人呀,咁唔通代別納粹就係好野?

做得野,係謝偉俊佢本事。佢要做,不在其位都做到,唔駛響個議員朵出黎。點解阿瑪麗馬又唔問下:真係做旅遊業本行嗰d人,如旅發局之流,點解咩鬼都做唔到,由得菲律賓遊客條條fing,到頭來要一個嚴格黎講仲算係外行既人去統籌所有?

個別既人有本事,唔代表個體制好,相反,正正係因為功能組別將議員既眼界局限於單一團體既短暫利益,失卻一個長遠、整體既picture,令到唔少人既本事唔能夠廣泛咁發揮。何況一個諸葛亮,點彌補得嗰廿幾個臭皮匠?假設今次謝咩野都無做,只係一如前屆議員咁只識事後批評咩咩局反應慢云云,唔知會唔會有人走出黎小個議員之餘,順帶夠薑話功能組別垃圾,要全盤取締?肯定無,點解,因為又會係政府既錯!小完又雨過天睛。

沒有留言: