2010年2月2日 星期二

安樂死

有d人,為左逃避承擔所謂兇手的罪疚,明明見到有人受疾病及殘障折磨痛不欲生,都唔願支持安樂死。
一個人,一條命,出生時主宰未到佢,想死點解都仍不由自主?一個人憑咩野為左舒緩自己心靈既創傷,而延長對方無限既痛苦?
有d人仲得意,話因為信仰唔贊成安樂死﹔唔好意思,論死人,現世個個宗教都滿手鮮血,唔好假仁假義。話信仰唔俾就唔俾,咁同阿媽唔俾你出街一樣,一鎚定音無厘頭,根本唔成道理。
更得意既係:個別宗教雖然認定死亡係上天堂回歸上帝,但我從來未見過有教徒得cancer後會感謝上主安心等死,亦唔見有人會走出黎阻止佢地去=求醫自救。好喇,到醫唔掂,上帝又唔保你喇,就有人走出黎話你再痛苦都唔死得,你望神救你佢唔救,但係你話死佢又出番黎!。大佬,真正令佢死既係個病,係上帝你有份創造出黎害人害物。好喇,呢筆債無得計,但當事人只係想加快進度無咁痛苦啫,嚴格黎講兇手係上帝,佢同其他人頂多幫兇,咁都唔得?你係咁仁慈,起首又仲咩要佢得d咁既病,點解要佢拖到佢死唔斷氣受盡痛苦?祢唔幫佢了斷,但又唔俾佢了斷自己,咁同d蘿蔔頭折磨中國人愈睇愈過癮有咩分別?
攞人地條命黎彰顯自己信念堅定信仰虔誠,慷病人之慨而讓自己在上帝前邀功,明明為己假裝為人,有血性既人都唔會妥呢地人渣。

沒有留言: