2010年1月8日 星期五

咩邊緣化?

阿豬阿狗無野好講,就係唔係都話邊緣化。
香港邊緣化,係回歸既必然。香港過去獨樹一幟,就係因為佢既體制、法治、經濟運作非中國化,多點公平,少點關係,對權貴多點控制,對低下多點關顧。香港一旦中國化,為奴是用,人治取替法治,優勢盡失,體制法治經濟大退化。拍埋同步進化既祖國城市,簡直相形見絀﹔喺國際舞台上,可以話早被邊緣到唔邊緣。淪為中國既一個小城俾中國吞噬,指日可待。
鐵路駁住祖國就唔使邊緣化?祖國同胞要黎,搭飛機坐坦克都會黎,只要香港一日有名牌有物質有好野食有好野玩,點都會黎。會唔會因為你條鐵路好很快就黎多左?好,就算黎多左,多一成遊客好味,其餘既就係d大肚婆趕生仔,同埋落黎洗黑錢炒貴樓既大戶高幹,佢地過癮,咁香港人呢?錢無份袋,仔無得生,遮頭既瓦都無塊,少高個市要你接火棒…啊!仲有方便解放軍到時開黎香港鎮壓示威,方便出兵!屆時真係安定和諧,萬歲萬歲萬萬歲。
邊緣化?我唔介意!最好回到過去,一於本土化,還番晒d公義同利益俾我!還香個97前既香港俾我!

1 則留言:

冥王 提到...

yes, 完全同意, 根本唔係因為起條鐵路就可以吸到客, 本身既吸引力先至係賣點, 呢個政府實在太膠