2010年1月28日 星期四

溫和民主派既天真

萬九幾人話公投激進,但從來都無人話到俾我聽:公投點激進法?
有班所謂溫和民主派,籌組所謂終極普選聯盟,聲稱要溫和理性,在公投以外另闢蹊徑
我想問佢地:
阿爺今日如日中天,連世界各國都買佢怕,你憑咩覺得阿爺會肯心平氣和,願同你地呢班書生腐儒平起平坐,談判普選?
佢地呢班人既思想死穴,有三個:
1. 佢地覺得阿爺係會念著港人係中國人,唔會唔講道理,會好樂意咁放棄專制極權,同佢地磋商一條隨時莽送中共既民主路
2. 佢地覺得自己有本事冧得掂阿爺,勸得郁阿爺,可以用誠意感動阿爺﹔但佢地忘記自己不過係一隅腐儒,整文人中共最拿手
3. 佢地妄想以一種對自身最保險、最安全、損失最少既手法,偷阿爺雞
咁又去番最原始既問題:
阿爺今時今日天下無敵,憑咩要驚你地?你地呢班友仔連公投都無guts,阿爺仲咩要讓步於你?
阿爺一貫心態:佢只會係無損自己任何利益既情況下收賣你,要你聽話
無錯,係要你聽佢話,唔係佢聽你話
佢好樂意向你大灑小恩小利
但係一涉牽動專制既普選,肯家no way!
呢班終極聯盟應該明白,佢地唯一可以倚仗既,就係民意,普天蓋地既民意
但係好似佢地咁手無縛腳、畏首畏尾,除左可以滿足自己既精神自慰外,可以點樣鼓動民意?
唔通又係靠遊行、絕食呢d純粹表態既所謂抗爭?
阿爺六四見幾十萬人都未驚,驚你地?!
而家難得有全民公投鼓動民意,嘗試燃起港人對民主既覺醒同鬥心
佢地竟然節外生枝?
夠膽玩分裂另起爐灶,但唔夠膽向中央嚴正表態
夠膽話公投"起義"激進,但唔夠薑話鄭耀棠高喊出兵可恥(鄭生番話連聯想都無得你聯想,激唔過公投?)
呢班友仔,我寧願你地真係戇膠,都唔想你地假仁假義
唔係民主無第二條路可行,或者真係有
只可惜你地行緊嗰路,係阿爺篤定既,
阿爺最愛你地講風度講道理講溫和,咁佢就可以肆無忌憚地不擇手段,軟硬兼施,對你地一啖砂糖一啖屎,你地仲調轉頭感恩戴德
阿爺搵條草撩你兩撩
你地遲早跌晒落崖臨死淨識喊阿爺出賣你無公義等天收
而忘記左你地自己錯在天真,錯在愚昧,
有份葬送港人放手一搏的機會!

2 則留言:

Edgar 提到...

睇嚟睇去都睇唔到有砂糖噃!

k 提到...

全民投票係共產黨號稱「人民民主專政」嘅死穴

當香港有公投,中國人就會問:幾時到我地?

譚耀宗葉國謙嘅進步就OK 論,
一步比一步慢,
係隻永遠都唔到終點嘅烏龜。
(http://en.wikipedia.org/wiki/Zeno's_paradoxes)

k.