2010年1月27日 星期三

你有無想喊既感覺

當我喺新聞見到黃毓民連發言既機會都無…
當我睇到身邊d茶客喺度話:
"抵x死la,玩野,中央炒晒呢d人就好喇!"
"係喇,阻頭阻勢,淨係識玩野…"
我覺得:
點解賣港媚共聽封討賞既就萬人敬仰
點解螳臂擋車犠牲小我就受盡蔑辱
回首中國歷史
好多愛國志士
生前都備受誤會、屈辱,
部份更落得身首異處,死後落得一個罵名,幾許年後方得平反
係愛國,害死左佢地﹔
係政權唔容許佢地愛國,
係一個愛自己多於愛國既政權喺眾目睽睽下害死左佢地
而大部份人卻袖手旁觀
有d咁狼心狗肺既人走出黎話佢地抵死,點解?
唔通係中國人奴才種?
係中國人慣西瓜靠大邊?
係中國人愚昧無良知?
點解佢地唔諗下:
好地地一個人,閤家平安,點解要無端端放棄所有,為你地呢班人犠牲咁多?
佢可以得到d咩?人民可以俾番d咩佢?
除左一兩句歡呼,佢地得到d咩?
無,係咩都無!
但聰明如佢地,點解偏偏肯犠牲自己?點解?
因為佢地有信念
有良知
對你同我都有信心
但係就偏偏有d人
自己無信念
無良心
對其他人無信心
所以唔願相信呢個世界上仍然有人會有信念、良知同信心
動輒就對佢地作誅心之論,自以為聰明絕頂微精眼企
明明自己居心不良,就當所有人都會居心叵測
結果,有好多真正愛國愛民的烈士
因為佢地既犬儒、多疑、心邪、愚昧
而白白犠牲
呢d人,香港有好多、好多,
我好心淡
忽然間,我想到五位議員五個隻影,孤單地離開殿堂,淒風澟澟,
回望立會,這曾是一個戴滿理想、宏願既地方,
佢地每一個人都想過喺呢度大展拳腳,實踐抱負,無奈現實不矛,
大部份所謂名哲保身既中立多數亦未有技支援
撫心自問
如果唔係對手迫人太甚,如果唔係大部份港人喺普選問題上扭擰被動
佢地駛咩攞自己既未來飛,去激發你班港人
佢地羸左,未來對手打壓一定兇狠百倍
佢地輸左,又一定會成過街老鼠俾對家恥笑
兩個結果都係堪坷
但點解今時今日,仲俾我聽到咁多無良心既港人
點解?
I just feel like crying

3 則留言:

Vw 提到...

No need cry, having these 5 heros make HK a different place from China.

vvip 提到...

當我睇到身邊d茶客喺度話:
"抵x死la,玩野,中央炒晒呢d人就好喇!"
"係喇,阻頭阻勢,淨係識玩野…"

佢地係中左毒 ? 或是唔明個中原因? 真的要教育呢d人....

文若 提到...

不要放棄。
堅持,是唯一的辦法。
來日大難,惟有志者事成。