2010年1月25日 星期一

嚴打漢奸 勿殺鬼子

唔好以為反共既就一定理性,嗰類人見你想法同中共一時重叠,就會不分青紅皂白,唔理你目的係擦共定批共,一律話你奴才。
無錯,嗰d人就係只敢匿理係討論區小中共咀咒中共,但一熄機就如常鵪鶉,俾老細勞役,俾同事杯葛,做其行屍走肉。佢地所謂反共,不過逞口舌之便,達精神自慰之暢,唔夠膽郁個禍首,就喺同類度周圍大扣帽子文字獄,老屈你是奴才佢係奴隸,純然發洩個人的無能同絕望--啱喇,殺唔到個big brother,就亂捉個d契弟黎祭旗囉!點分係咪契弟?我唔知架,總之睇唔順眼就搵條友出氣啦!名副其實係"嚴打漢奸 勿殺鬼子"!
反共反到失去理智,反共反到酸腐愚昧,反共反到猥自枉屈,當真可憐既典範!唔通思想同實事求是,對佢地黎講真係咁大負擔?反共好易,夠顛就得,但於事何益?係咪顛到夠膽攞鎗同中共搏過先?顛而不勇,勇而無謀,義和拳已經無左啦,你不如返清朝啦!

沒有留言: