2010年1月5日 星期二

孰不可忍

我一向甚少撩交打,問題是以下BLOG實在令人氣結,有INTEREST者不妨踢館:

http://hk.myblog.yahoo.com/star-club/

一句到尾,又係有錢大晒,等級按交稅多寡分高低,無錢唔好講咁多野?

資本家內外勾結,財雄勢大,享盡香港的政治體制,錢又賺盡權又攞盡,但交稅不過千份之一,按身家比例仲低過好多胝手抵足既港人,憑咩咁惡?!至少普通人唔學得佢地咁,郁下就話抽走資金一走了事,對香港呢個生佢育佢之地寡情薄倖!

點解要大家發言權均等?因為政府勾結商賈,就係法西斯!香港唔係班巨賈既私人花園,有咁大權,就要有番咁上下制衡! 單單住嗰方面,地產商推波助瀾,為左幫大陸高幹洗黑錢,樓價推到天咁高,令升斗市民想置家都天荒夜譚,唔通呢個世界無公義?政府唔通唔係一個全民政府,要保障所有人?班商家有巨富憑咩貪得無厭不知謙卑?無我地下邊嗰班人幫佢打生打死甘心勞役,佢有咁富貴?而家黎過橋抽板?


資本家充當既係一個協調同決策既角色,佢係重要但唔係唯一,飯要有人種,套要有人整,化妝品要有人研究,樓要有人設計劃圖,大學都要有人教,點解要偏偏將資本家放到無限大至高無上唯佢獨尊,漠視過程中好多人既群策群力?

而家究竟係邊個剥削邊個,八十後又點樣剥削佢地班有錢佬呢又?憑咩可以剥削到佢地?只係想佢地有D良心,唔好為賺盡而不顧普羅市民,俾小市民有白手興家自食其力的公平機會GEI,要佢唔好賺咁狼都叫剝削佢?話剥削,80後未至於要學中共建政初期打倒土豪劣紳收地均田!想睇下官商勾結既極致,睇下祖國點樣侵佔耕地迫遷平民,觸發連串暴力抗爭!稍為想約束嗰班人既貪婪,想稍為讓低下民眾有喘息空間,咁都叫剥削?美國列根年代既所謂TRICKLE DOWN EFFECT,事實證明完全失敗,貧者愈貧富者愈富,人均收入逐年遞減,分化劇烈翻生渺然!

官商合作,做官既肯體察港人,從商肯掏出丁點良心,是好事。前港英時代官商雖然同樣勾結,但至少會擔當仲裁角色免得巨賈行動太過,導致民生失衡,影響大局穩定。今時今日既勾結,極度貪婪既商同專制極權既官相互糾合不理民生蔑視民情,終有一日會令大眾忍耐不過,壓極必反!

妄批八十後UNEDUCATED,係上代人典型目空一切既表現,佢地無諗過今日佢地既富貴,又幾多係靠自己,又有幾多係受益人九七移民潮?家陣佢地位高權重,扳起塊面,學人指點江山,都係為左保障自己利益,八十後你死你事,未想過要設身處地將心比己!

閣下好EDUCATED,不過亦係UNTHINKING!你好GLORIOUS我地INGLORIOUS,起碼我地唔係BASTERDS囉! 學而不思則罔,罔得畢生為富人為奴猥自枉屈都猶覺自豪光榮,就算月入百萬,都不過是有錢人給你既嗟來之食!你喺佢地眼裡多一個唔多,隨時REPLACEABLE! 有私心,就唔好扮為港為民!你扑野有心無力,唔好話八十後扑野不知廉恥!

4 則留言:

vvip 提到...

唔使理佢 果條友應該係股票佬一名 再者股票佬同疊碼仔係無咩分別....最叻就係得把口

嚴櫻 提到...

vvip:

哈,講真,本人何嘗又唔係得把口。

匿名 提到...

有條友話官商勾結好公平,因為人人都可以去勾...
我諗,不如唔要法律,返去森林法,弱肉強食,好唔好?咁就最公平

而家問題係nepotism係無能者尸位素餐既根本原因, 所以資源被浪費亂用濫用,而且無王管,人地越窮,佢地就越狼胎

如果社會有錢就話,而家人人無錢,負擔唔起官商勾結既浪費

h 提到...

有條友話官商勾結好公平,因為人人都可以去勾...
我諗,不如唔要法律,返去森林法,弱肉強食,好唔好?咁就最公平

而家問題係nepotism係無能者尸位素餐既根本原因, 所以資源被浪費亂用濫用,而且無王管,人地越窮,佢地就越狼胎

如果社會有錢就話,而家人人無錢,負擔唔起官商勾結既浪費
h.