2010年1月4日 星期一

無病呻吟 六

長官“挑逗”一詞,坊間“戲謔”太多,再扭都唔會扭得比別人抵死,只好平心直論。
好喇好喇,就當示威者真係“挑逗“你除晒bra剥晒裙。咁作為警察既你係唔係應該保持克制,不為所動?
飲食男女,係咁唔公平﹔示威者可以發姣發凳,做警察就點都要頭腦醒控桿剎停,一拔鎗亂射發白,實一身蟻。再者挑逗成功,亦皆因閣下本身都慾火焚身心生淫念。生唔飲水唔禁低牛頭低,佢開門唔代表你直驅直入。不論你特登或錯手,處心積慮定霎時失控,你掂親都係你衰,無得賴。因為非禮強姦無話被動非自願。
因為警察理論上有保護人民的職責,因為警察被賦予特權,因為警察裝備比示威者強横,因為示威者有遊行示威的權利,因為抬棺材本來就是一個不傷他人只傷顏面既舉動,唔阻佢好地地,所以警察必須要克制,理應任其自如,挑極都唔起。除非示威者得手後乘機闖入中聯辦毆人打砸搶,咁就在理虧在佢地﹔否則警察點都唔可以同佢地劍拔弩張,有意無意令示威有升溫既危機。
好多時候,個別舉動其實無所謂對錯,你攻我守示威恒常,怕就怕是但一方做得過火,吹大當時的險況,結果愈攪愈禍。紙棺材都驚,假如入面裝住個長毛搏暗渡陳倉打突擊,你仲驚!面對示威,都要積極不干預!

1 則留言:

vvip 提到...

政府就係知道 你地呱呱叫 幾日之後 就咩事都無.
所以呢次 一定要 '集體投訴害群之警' 迫政府比個交代.如果唔係 每次差佬 都有一個新花樣玩 正是你 吹咩.... 最叻咪' 呱呱叫'幾日囉.