2010年1月2日 星期六

無病呻吟三

講到尾﹐無病呻吟都不過為左唔想文縐縐

講番尋日示威,社民連衝擊中聯辦,千夫所指﹔想攞威,想踩台,個下係幾豪氣干雲既﹔不過為左一刹那的亢奮,留下一個攪屎棍、有破壞無建設的形象,會嚇怕好多話就理性中立、實則騎牆睇水既中間選民,影響總辭個勢囉!總辭議題本來已經夠模糊,家陣咁攪一攪--我地d明事理既,當然明白咁激都不過因為對手欺壓太過,得啖笑﹔但有好多人稍為見到d郁手郁腳既場面,真係好似睇到無線節目"活著"裡面d土人露點咁,鬼刹咁嘈!佢地睇你唔順超,一時人同事兩溝,就會連帶對總辭都會有懷疑,甚至乎批評、劃清界線!"d人咁激進,總辭都激進,濟唔過呀,容咩易俾呢班人得逞,以後咪天下大亂…"
香港係咁,中共用釋法、威嚇同成抽護法"粗暴"干預香港政制,我地頂多節哀順變﹔社民連"粗暴"衝閘試圖闖過不合理既森嚴表達訴求,我地就會予以讉責。前者綿裡藏針,後者硬橋硬馬,偏偏港人不怕慢性死,最怕一招了,假如香港人有d guts,抗爭就唔駛畏首畏尾!

1 則留言:

匿名 提到...

睇完唔知笑定喊好.....