2009年11月23日 星期一

點解?

林忌兄,想偏離談談另一樣野:

點解仍有港人相信,阿爺會同佢地講道理,會顧念香港長遠發展,會考慮香港垂範台灣的目的,讓香港推行普選?

佢地憑咩野覺得自己可以冧得掂阿爺,可以哄阿爺落搭,甘冒開錯先例,俾香港推行普選?

佢地憑咩覺得阿爺會紓尊降貴,願意同佢地平起平坐商討普選去向?

佢地憑咩認為自己有籌碼,可以向中央討價還價?

佢地憑咩相信阿爺真係會怯於數十萬,頂多百萬人的不滿,會委服於民意?

爭取左廿年,到頭來還是要待當權者良心發現,方能拿點皮毛--佢地憑咩覺得過去既抗爭係無白費之餘,又相信可以一成不變,繼續使用過往的方式去抗爭?

點解佢地咁天真?難道係因為,佢地唔願夢醒?怕接受唔到強弱懸殊既現實?革命不能,想講道理又無計可施,就唯有繼續明知不能而為之,撫慰自己的良心?

沒有留言: